Galego
Castellano
O Centro de Innovación e Servizos Tecnolóxicos da Madeira de Galicia (CIS-Madeira) é un Centro Tecnolóxico creado pola Xunta de Galicia en 1996 e ten como misión principal mellorar a posición competitiva das empresas do sector da madeira. Ofrece, tanto a profesionais coma a empresas, servizos tecnolóxicos avanzados orientados ao control de calidade de materiais e produtos, a reenxeñería de procesos e o asesoramento sobre construción en madeira.
En materia de biomasa o centro desenvolveu diversos proxectos de investigación para avaliar as posibilidades de aproveitamento enerxético das principais formacións de mato en Galicia, centrándose nas técnicas de recollida e aproveitamento de mato, na caracterización física e enerxética da biomasa, na cuantificación da biomasa de mato en Galicia, e nos efectos ambientais de aproveitamento deste recurso.
Máis información en https://cismadeira.xunta.gal/gl
Trátase dun foro organizado pola Consellería de Economía, Emprego e Industria, a través da Axencia Galega de Innovación, que permite aos profesionais do sector mantense informados sobre as novidades acontecidas no eido da biomasa. Ata a data lévanse celebrados 4 encontros, o último deles o 3 de febreiro de 2022 coincidindo coa feira Enerxética 2022.
O selo Galicia Calidade para os biocombustibles sólidos (pellets e achas) garante a calidade do produto e a súa orixe galega. Por este motivo mediante o selo de Galicia Calidade se certifica que a orixe da materia prima empregada na fabricación de pellets e achas sexa polo menos nun 80% procedente de explotacións forestais e industrias situadas no territorio de Galicia. Así mesmo, tamén garante que a calidade do produto producido cumpra os requisitos de calidade establecidos polas normas internacionais máis exixentes coma UNE-EN ISO 15234-1 (pellet e achas), UNE-EN ISO 15234-2 (pellet), UNE-EN ISO 17225-4 (achas) e a Certificación “ENplus” (pellet).
Máis información en http://www.galiciacalidade.gal
