Galego Castellano

Estratexia
da biomasa

A Estratexia de Impulso á Biomasa 2014-2020 desenvolvida pola Xunta de Galicia pretende poñer en valor o monte galego mediante a promoción dunha industria asociada á valorización enerxética da biomasa favorecendo unha xestión forestal que facilite o seu desenvolvemento económico.

Obxectivos

Os obxectivos da estratexia son

  • Xerar valor e emprego en todo o ciclo produtivo da biomasa.
  • Activar unha industria asociada á valorización enerxética da biomasa que comprende á transformación e distribución da biomasa e á instalación de caldeiras en fogares, empresas e na propia Administración Pública.
  • Propiciar unha mellora socioeconómica das áreas rurais.
  • Reducir a dependencia enerxética dos derivados do petróleo.
  • Impulsar o aforro e a eficiencia enerxética en familias, empresas e nas administracións públicas.
  • Protexer o medio natural mediante a redución de emisións de CO2.
  • Mellorar a xestión e o rendemento dos montes galegos, diminuíndo o risco de incendios.

Eixos de actuación

Para cumprir estes obxectivos, a estratexia de impulso á biomasa terá catro eixos de actuación

  • Incremento da demanda mediante programas anuais de axuda a instalación de caldeiras de biomasa e proxectos singulares no ámbito da calefacción de distrito e promoción da biomasa no sector agroalimentario.
  • Innovación tecnolóxica e impulso económico a través da promoción de proxectos de innovación en investigación a empresas do sector e do apoio a xestión forestal sustentable, impulsando infraestruturas para a modernización da silvicultura ou investimentos en tecnoloxías forestais.
  • Garantía de calidade e de orixe do produto mediante a promoción do emprego de selos de certificación da calidade enerxética do biocombustible e a posta en valor da orixe e a calidade da biomasa galega.
  • Formación e divulgación mediante a creación do Foro da Biomasa cos axentes económicos, administrativos e sociais do sector da biomasa forestal e o desenvolvemento de actividades formativas.

Resultados esperados

  • Creación dunha nova industria que poña en valor o monte galego fixando emprego en ámbito rural.
  • Mellora da xestión e rendemento dos montes coa consecuente diminución no risco de incendios.
  • Cubrir toda a cadea de valor do produto, desde que sae do monte ata que chega aos fogares e á industria.
  • Aforro e eficiencia enerxética: diminución do gasto en 70M€/ano na compra de combustibles fósiles; aforro de ata un 65% con respecto ao gasóleo e dun 45% respecto ao gas natural.
  • Investimento e xeración de riqueza: mobilización de 450M€ en investimentos ata 2020; axudas directas que superarán os 89M€; xeración de 1.000 postos de traballo.

Estratexia
da biomasa

Podes descargar un dossier informativo na seguinte ligazón

Estratexia da Biomasa.ppt Estratexia da Biomasa.ppt
Descargar