Insertable de leña para calefacción en vivenda unifamilar

Trátase dunha vivenda unifamiliar (4 membros) que se emprega como único domicilio familiar durante todo o ano e que está situada no concello de Cuntis (Pontevedra). Dispoñía dun sistema de calefacción e auga quente sanitaria subministrado por unha caldeira de 24kW que empregaba gas propano que chegaba canalizado á vivenda. Para rebaixar o consumo instalou un insertable no salón que funciona durante os meses de máis frío e proporciona calor á estancia, aproveitando tamén os gases de combustión para quentar o circuíto de calefacción da vivenda. A inversión permitiu que o gasto enerxético para calefacción e auga quente pasase de 1.132€/ano empregando exclusivamente propano, a 610€/ano empregando leña e propano. Deste xeito, a parte do factor estético da cheminea e do maior confort térmico que produce na estancia, conseguiuse amortizar toda a inversión en 12 anos sen ningún tipo axuda pública.